Best Zakir Khan poems that will swell up your soul the way his comedy gladdens up your heart

Zakir Khan
Share it:



They say to make people cry is an easy task. What’s hard is to bring smiles on the faces of millions with your quirky humour. And yet there’s this guy, a certain sakht launda, who has been doing both with utmost ease. Zakir Khan might be known for his comedy and for being among the most prominent of names in the standup circuit in India. But there’s no denying the soulful magic this man creates with his equally stirring shayaris and pensive poetry. Take a look at Zakir Khan’s best pieces of poetry to better admire this man of every moment-

Usse Acha Nahi Lagta

Jis guldaan ko tum ajj apna kehte ho, uska phool kabhi hamara tha,

Woh jo ab tum uske mukthaar ho toh sun lo, usse acha nahi lagta,
meri jaan ke haqdaar ho to sun lo, usse acha nahi lagta!

Woh jo ab tum uske mukthaar ho toh sun lo, usse acha nahi lagta,
meri jaan ke haqdaar ho to sun lo, usse acha nahi lagta,
Ki woh jo zulf bikhere toh bikhiri na samjhna, agar mathe pe aa jaaye toh befikri na samjhna,
darasal usee aise he pasand hai, Uski Azaadi, Uski Khuli Zulfon meh band hai!

Jante Ho, Jante Ho woh agar hazar baar julfein na sware toh uska guzara nahi hota,
Waise dil bohot saaf hai uska inn harkaton mein koi ishara nahi hota.
Khuda Ke waste, Khuda ke waste use kabhi rok na dena, Uski azaadi se usee kabhi tok na dena,
ab meh nahi tum uske dildaar ho toh sun lo, Usse acha nahi lagta!!

Mera Dastaan Sunana

Mera Sab bura bhi kehna,
Par aacha bhi sab batana.
Mai jau duniya se toh sabko
Meri dastaan sunana

Yeh bhi Batana Ki kaise
Samandar jeetne se pehle,
Mai Na jaane kitni choti-choti
nadiyon se hazaaron bar haara tha.

Woh ghar Woh zameen deekhana,
Koi magrur bhi kahega toh tum
Usko shuruwat meri batana.

Batana safar ki dushwariya mere,
Taki koi jo Meri jaisi zameen se aaye
Uske liye nadi ki haar choti hi rahe.
Samsndar jeetne ka khawab
Uske dil aur dimag se na jaaye.

Par unse meri galatiya bhi mat chupana.
Koi poche toh bata dena ki
Mai kiss darje ka nakara tha.
Keh dena ki jhoota tha mai,
Batana ki kaise zarurat par kaam na aa saka.
Wade kiye par nibha na saka.

Intqaam saare poore kiye, par ishq adhura rehne diya.
Bata dena sabko ki, mai matlabi bada tha.

Har bade mukaam pe tanha hi mai khada tha.

Mera Sab bura bhi kehna, Par aacha bhi sab batana.
Mai jau duniya se toh sabko
Meri dastaan sunana.

Mere Kuch Sawaal Hai

mere kuch sawaal hain
Source: Dailyhunt

Mere kuch sawaal hai jo sirf Qayamatt ke roj puchhunga tumse,
Kyuki uske pehle tumhari aur meri baat ho sake iss laayak nahi ho tum…

Main janana chahta hu kya raqib ke saath bhi chalte hue,
Shaam ko yunhi bekhayali main uske saath bhi kya haat takkra jaat hai kya tumhara?

Kya apni chhoti ungli se uska bhi haat thaam liya karti ho tum,
Kya waise hai jaise mera thhama karti thi…?

Kya bataadi saari bhachpan ki kahaniya tumne usko jaise mujhko raat raat bhar baith kar sunaai thi tumne…?

Kya tumne bataya usko ke 30 ke aage ki hindi ki ginti aati nahi tumko…?

Wo jo saari tasverein tumhare papa ke saath , tumhari behen ke saath tumhari thi, jinme tum mujhe badi pyaari lagg rahi ho,
Kya use bhi dikhaadi tumne…?

Ke kuch sawaal hai jo sirf Qayamatt ke roj puchunga tumse,
Kyuki usske pehle tumhari aur meri baat ho sake iss laayak nahi ho tum…

Ke main puchhna chahta hu kya jab wo bhi ghar chhodne aata hai tumko,
To kya seedhiyo pe aankhein neech kar meri hi tarah uske saamne bhi maatha aage kar deti ho tum,
Waise hi jaisa mere saamne kiya karti thi…?

Kya sard raaton mein band kamro mein wo bhi meri hi tarah,
Tumhari nangi peeth par apni ungliyo se harf dar harf khudka ka naam gondta hai,
Aur tum bhi Akshar-be-akshar pehchaanane ki koshish karti ho kya jaise mere saath kiya karti thi…?

Ke kuch sawaal hai jo sirf Qayamatt ke roj puchunga tumse,
Kyuki usske pehle tumhari aur meri baat ho sake iss laayak nahi ho tum…

Sab Sambhal Lete Hain Hum

Sab sambhaal leta hoon main
Bhai ki ladaai ho ya dost ke pachde
Girlfriend ka ex ho
Ya uske ghar ke baahar nukkad par khade fukare
Sab sambhaal lete hain hum

Haathon ka plaster ho ya Chhile hue ghutne
Gire ho bike se ya khade ho teacher se peetane
Ab bahan toh bidaai pe ro legi
Par hum nahi royenge
Chaar din ki road trip hai
Par hum wheel pe nahin soyenge
Ek chhota sa kissa bhi ho jaaye Toh use badha chadha ke sunayenge
Par jab dil tootega na
Toh apne doston ko bhi nahin batayenge

Kyonki sab sambhaal lete hain hum
Kya hai na ki daaru ki capacity se
Humaari aukaat naapi jaati hai
Par sabko ghar chhodne ki zimmedaari bhi
Humaare hisse hi aati hai

Kisi film ki sad ending ho
Ya best friend ka foreign jaane ka farewell,
Soft nahin hote hain
Agar gussa aata to aaj abhi
Par pyaar jataane waala sab kuch kal
Kya hai na kyonki macho itne hai
Par sensitive topic pe thode gadbad ho jaate hain
Yaar apan log to mummy ko hug karne mein bhi awkward ho jaate hai

Ghar ki financial problem ho
Ya kisi ki tabiyat kharaab
Papa ki social standing ho
Ya safety security ka sawaal
Sab sambhaal lete hain hum

Hum wo hai jo footpath par baahar ki taraf chalte hai
Saaya bante hai pariwaar ka
Par dhoop mein khud palte hai
Kabhi humaari bhi mardaangi ka parda hata kar dekhna
Kabhi thaamna humaara bhi haath
Kaise ho tum?.. poochhna!

Kyonki yaar humaari bhi sakht shaklon ke peechhe
Ek maasoom sa bachcha hai ji
Jiski khwahishein ghar, gaadi, aasmaan nahin
Apnapan sachcha hai

Hume bhi darr lagta hai akele
Andhere kamron mein hum bhi so nahin sakte
Aur sach kahoon toh
Jhoothe hai wo log jo kahte hain ki aadami ro nahin sakte

Baaki haan iske alawa
Sab sambhaal lete hain hum
Bhai ki ladaai ho ya dost ke pachde
Girlfriend ka ex ho Ya uske ghar ke baahar nukkad par khade fukare
Sab sambhaal lete hain hum

Ghar Nahi Jaa Paye Na Iss Baar Bhi

Bus ka Intezaar karte hue,
Metro mein khade khade
Rikshaw me baithe hue

Gehre shunya me kya dekhte rehte ho?
Gumm sa chehra liye kya sochte ho?

Kya khoya aur kya paya ka hisaab nahi laga paaye na iss baar bhi?
Ghar nahi jaa paye na iss baar bhi?

Ishq ka Hasil aur Jama

6 Hair bands.
4 alag alag tarah ki baalon wali Clips.
Woh… uss din jo sandal tuti thi tumhari, Uska Ek strap.
Aur haan Woh kitaab jiske panne mod kar diye they tumne.

Sambhal rakha hai maine sab,
Jab aaogi toh le jaana.

Waise chote bade mila kar,
kuch 23 kapde bhi pade hai tumahre.
Unme se, kuch me tum bala ki haseen lagi.
jaise woh red wala top aur Black wali dress.
Woh baby pink crop top aur woh green jump suit.
Sab yahin pada hai.
toh mai bas yeh keh raha tha ki
kharid lena na waisa sa hi kuch kahi se.. kyunki,
Sach kahu toh Lautane ka Dil nahi karta mera.

Nahi Nahi Mazak kar raha hoon,

Sambhal rakha hai maine sab,
Jab aaogi toh le jaana.

Waise kuch hisab bhi dena tha tumko,

Jo tumhari meri Tasveer wala,
Coffee mug diya tha tumne.
Uska handle tut gaya hai mujhse.
Blue wali shirt bhi peechel 2 hafton,
Mil nahi rahi hai kahin par aur..
Perfume khatam ho gaya hai.
Ghadi khoyi nahi hai par band ho gayi thi.
Isliye utar rakhi hai, bas bata raha hoon tumhe.
Woh Green wali check shirt dhobi ne jala di.

Woodland wale joote Zeeshan le gaya.
tumhare diye Earphones aur Chashma,
ek din Airport par jaldbaazi me chhut gaye.
bahut dhunda, nahi mile.

Par

Woh sukha hua Gulaab ke phoolo ka guladasta.
tumhari lipstick ke nishaan wala paper cup.
Woh tissue paper jis par tumne number likh kar diya tha,
tumhari car parking ki parchiya.
Woh Tute hue Clutcher ke Dono hisse.
tumahre more pankh wale jhumke.

Aur mai….

yeh sab kuch jo bhool gayi thi tum,
ya shayad jaankar chhoda tha tumne.
Apni jaan se bhi jayada,

Sambhal rakha hai maine sab,
Jab aaogi toh le jaana

Ishq

Har ek dastoor se bewafai, main shiddat se hai nibhai.
Raaste bhi khud hai dhundhe, aur manzil bhi khud banayi.

Ishq ko maasoom rehne do notebook ke aakhri panne par.
Aaap use kitaabon mein daalkar mushkil na kijiye.

Har ek copy ke peeche kuch na kuch khaas likha hai. Bas iss tarah tere mere ishq ka itihaas likha hai.
Tu duniya me chaahe jahan bhi rahe, Apni diary mein maine tujhe paas likha hai.

Imtihaan-e-ishq ka maine khoob revision kar liya.
Uski yaad bhi samajh li, usse bhool ke bhi dekh liya.

Maana ki tumko ishq ka tajurba bhi kam nahi,
Humne bhi bag mein hain kai titliya udaayin.

Bohut hua Ruhaani Ishq

Bohut hua Ruhaani Ishq ab ke to milna hai tumse,
Gazalein nahi likhni ab,
chhuna hai tumko…
Wo hazar baar ke padhe hue Khat,
ek aur baar nahi padhne hai mujhe,
Mujhe apni Ungliya tumhari Hateli pe chahiye…
Chum lena hai Maatha tumhara,
Seene se laga lena hai tumko,
Baaho mein bhar lena hai tumko.
Bohot hua Ruhaani Ishq ab ke to milna hai tumse…

Aur phone pe to bilkul baat nahi karni hai,
Par tumhare kaano par se baal hataana hai
aur ek chhotisi baali pehna dena hai
Bicchiya, Payal, Bindi sab kuch,
apne haato se pehnana hai,
Ab Khushbu Mehsoos nahi karni hai tumhari…
Bass palko ko band hote hue aur khulte dekhna hai.

Kuch kaam batana hai tumko,
Fir tumhare utthkar jaane par
kalaai se pakadkar baitha dena hai.

Bohot hua Ruhaani Ishq ab ke to milna hai tumse…

Yun Toh Bhoole Hain Hume Log Kai

Yun toh bhoole hain hume log kai, pehle bhi bahut se.
Par tum jitna koi unme se, kabhi yaad nahi aaya.

Bohot maasum ladki hai ishq ki baat nhi samajhti, naa jaane kis din mein khoyi rehti hai meri  raat nhi samajhti.
Haa, hmm, sahi  baatein toh kheti hai, Alfaz samjh leti hai jasbaat nhi samajhti.

Zindagi se kuch zaada nahi, bas itni si farmaaish hai.
Ab tasveer se nahi, tafseel se milne ki khwaaish hai.

Main Shunya Pe Sawaar Hoon

Source: WapWon.com

Mai Shunya pe sawaar hoon
Be adab sa mai khumar hoon
Mushkilo se mai kya darun
Mai khud keher hazaar hoon …..

Ki unch neech se pare
Majal aankh me bhare
Mai lad pada hu raat se
Mashaal haath me liye …
Na surya mere sath hai..to kya nayi ye baat hai
Wo sham ko tha dhal gya..
Wo raat se tha darr gaya

Mai jugnooyon ka yaar hu
Mai shunya pe sawar hu!!

Hu raam ka satej main,
Lankapati sa gyaan hoon,
Kiski karoon araadhana sab se jo main mahan hoon,
Brahaman ka main sar hoon,
Main jal pravah nihar hoon,
Main shunya pe sawar hoon…..
Main shunya pe sawar hoon

Ki bhavnayein hai mar chuki
Samvednayein ab khatm hai
Ki ab dard se kya darun
Zindagi hi Zakhm hai…..
Mai beech rah ki maat hu
Be chaand syaah raat hu …
Mai kaali ka shringaar hu
Mai shunya pe sawar hu…

Woh Khwab Me Aati Hai Mere

Bewajeh bewafaaon ko yaad kiya hai,
Galat logon pe bahut waqt barbaad kiya hai.

Hum dono me bas itna sa farq hai
uske sab “lekin” mere naam se shuru hote hai,
aur mere saare “kaash” uss par aa kar rukte hain.

Use main kya, mera khumar bhi mile toh berahmi se torh deti hai.
Woh khwab me aati hai mere, phir aa kar mujhe chhod deti hai.

Ishq ki Bazi hai, Kabhi Jeet rahe, Kabhi Haar rahe hain

50 rs ki poket money,
60 rs ki chocolate ice-cream.
Hum sala wassepur ke side character,
Aur tum..
Tum jaise koi happy dream.

Phir bhi effort toh marr hi rahe hain,
Ishq ki bazi hai,
Kabhi Jeet rahe,
kabhi haar rahe hain.

Hum nahan bhi le toh feel nahi Aati hai,
Tumhari toh notebook se bhi khoshboo aati hai.

Poore school me koi bhi kand ho,
Prime accuse Hum hi kehlate hain.
Humari ek copy aisi nahi jo complete ho,
Aur Ek yeh, kabhi top se kam hi nahi aate hai.

Phir bhi effort toh marr hi rahe hain,
Ishq ki bazi hai,
Kabhi Jeet rahe,
kabhi haar rahe hain.

Cousin ka jacket maar liya,
papa ke paise churaye hain.
Bike kahan milti hai roz,
Bheek mang kar tank full karvayein hain.

Woh…
…. titli ki design wala clutcher tha na tumhara?
shikha ne nahi maine uthaya tha.
Aur woh Aladdin ke passes
koi online contest me nahi jeete,
Mai ghadi beech kar laaya tha.

Dheere dheere tumhare saare shauk,
Apni auqaat ke bahar ho Gaye hain.
Ab gol gappon ko hi dekh lo,
60 rs ke ke sirf char reh gaye hain.

Bhai ki gaadi apni atma se dhoi thi
Isilye film ke beech popcorn la paaya tha,
Greeting cards ke liye survey bhare they,
Bachhe ke mundan par Pokemon bana
Tab tumhare birthday ka cake laaya tha.

Thoda karza kiya hai,
Thoda khud kamaya hai.
Ab Tum hi dekh lo ab,
Ek tumhari smile ke peeche.
Itne logon ka saaya hai.
Kisi din dil kare toh..
sabke samne bas haath pakad lena.
Baki toh sab moh maaya hai.

Dekho effort toh hum full marr hi rahe hain,
Ishq ki bazi hai,
Kabhi Jeet rahe,

kabhi haar rahe hain.

Ab Woh Aag Nahi Rahi

Ab woh aag nahi rahi,
na sholon sa deheqta hoon.
Rang bhi sabke jaisa hai,
sab sa hi mehekta hoon.

Ek arsey se hoon thame,
Kashti ko bhawar me.
Toofaan se bhi jayada,
sahil se siharta hoon.

Tumse badi narazgi hai mujhko.
Ab dekho na,
Tumhare narm hotho ki misal nahi milti 

aur mere ashaar adure reh jaate hain.

Mai Doob Raha Hoon

Mai doob raha hoon, apne hi bhavar mein.
Roz Doob raha hoon. 
mere antarmann me Hazaron sunamiya aati hai. 
Meri Atma ko apne gehre andheron me kheechti hai. 
Bahut darawni jagah hai woh, 
Tum kabhi mat aana wahan. 
Jahan mai…. roz doobta hoon. 
Doobta hoon, ubharta hoon, Ladta hoon khud hi se aur

…Phir Uthkar aa jaata hoon apna tamasha le kar.

Tumse hath nahi manga, 
kyunki bhavar bahut tez hai.
bahut tez hai yeh mere vichlit Mann ka bhavar. 
Mai toh doob hi raha hoon, 
tumhe sath le kar nahi doobna chahta. 
Nahi chahta ki iss sunami ka ek chitta bhi 
ksisi mere apne par padhe. 
Jaise mai kho raha hoon khud ko, 
waise mai tumhe nahi khona chahta.
Mere antandvand ki sabse aachi baat yeh 
ki iss me Har roz mai hi jeetta hoon. 
Aur sabse bhayavar baat yeh ki
Mai hi hoon jo har roz apne hi aap se haar raha hoon. 
Roz haar raha hoon, lagatar haar raha hoon. 
na jeet ka koi tamga milta hai 
na haar ke ghav dekhte hai. 
bas sab kuch khali rehta hai, 
haan yeh mai keh raha hoon. theek suna tumne 
Ki mai Doob raha hoon, Roz doob raha hoon. 
Apne hi bhavar me. 
Par 
Mai lada hoon, laduga. 
Aaj dooba hoon, par ubhrunga aur kal…

Phir Uthkar aa jauga apna tamasha le kar.

The Sakht Launda of the stage sure knows how to have hearts melting for him!

Share it:

Comments